Tecnica
SIA a desaroya un programa tecnico cu tin como meta e mehoracion di e habilidadnan di cada hungador den nan posicion respectivo riba veld. Durante entrenamento nos ta enfoca riba 2 fase di e wega (atake y defensa) como tambe e pasenan di un fase pa e otro. E focus ta primordialmente riba e siguiente 4 areanan: tecnica individual y tactica, tactica den grupo y style di hunga.
Lesnan di Futbol
E obhetivo mas importante di SIA ta pa e lesnan di futbol desaroya e conocemento, actualisa y mehora e tecnica y habilidad mas importante pa nos alumno. Un biaha pa siman e alumno ta train riba un tactica / habilidad uzando diferente ehercicio te ora nan por logra e meta. Nos studiantenan ta train den grupo di nos mas cu 12 mucha pa crea un ambiente de aprendizahe continuo. Despues di a atende y participa durante e lesnan di SIA tur participante lo sa mayoria di tecnicanan basico y lo tin e instrumentonan / conocemento necesario pa por maneha un gran parti di situacionnan durante wega cu exito.
Enseñansa
SIA ta uza diferente tecnica pa influencia e proceso cognitivo di e studiante. Nos ta uza e metodo di fragmentacion di e proceso di enseñansa, unda cu nos ta siña futbol den diferente fase/paso. Di e manera aki e studiante lo maneha e diferente pasonan asina logrando un presentacion di su habilidadnan na un manera ordena.
Salud y seguridad
Salud y seguridad di cada studiante ta hopi importante pa SIA. Nos a implementa un ‘Risk Prevention Policy’ – un maneho di prevencion di riesgo- cu tin como meta minimalisa e posibilidad di lesion riba of for di veld. Nos coachnan lo tene semper e maneho aki na cuenta durante tur na lesnan na SIA.
Staff tecnico cualifica
Nos staf di trainer of coach ta reconoce cu e bala ta e aspecto mas importante den futbol. Durante tur training e bala lo ta e instrumento mas uza den e training integral. Tanto den training individual como den grupo, nos staf tecnico lo dunabo semper algo mas pa siña mehorando bo conocemento di e tecnica di futbol y lagando bo cu deseo pa siña mas.
